အန်ဇိုမာရက်စကာ က ချဲလ်ဆီး အသင်းကိုစတင်ရောက်ရှိတဲ့ ရာသီကတည်းက တောင်လိုယာလို ပုံနေတဲ့ ကစားသမားအစုအဖွဲ့ကြီးကို ပရီးမီးယားလိဂ် တစ်သင်း ၊ ကွန်းဖရင့်လိဂ် တစ်သင်း ၊ ပြည်တွင်းဖလားတွေမှာ တစ်သင်းနဲ့ ကောင်းကောင်းကြီး တိုင်တွယ်ပြခဲ့တယ် ။ သူက စတင်ရောက်ရှိတဲ့ ရာသီကတည်းက ချဲလ်ဆီး အသင်းရဲ့ ကစားသမားတွေကို အဓိကကစားသမား ဒေါင်ဒေါင်မြည် ၁၁ ယောက်ကို ပရီးမီးလိဂ် မှာ အသုံးပြုပြီး ပြည်တွင်းဖလားပွဲစဥ်တွေ နဲ့ ကွန်းဖရင့်လိဂ် ပွဲစဥ်တွေမှာဆိုရင် အရန်ကစားသမားတွေကို ပွဲကစားချိန်မိနစ်ပေးပြီး သူကြိုက်နှစ်သက်တဲ့ ကစားသမားဆိုရင် ပရီးမီးယားလိဂ် အချို့ပွဲစဥ်တွေမှာပါ ထုပ်သုံးလေ့ရှိတယ် ။ အန်ဇိုမာရက်စကာ အနေနဲ့ ဒီလို ကစားသမားအများကြီးကို ပွဲကစားချိန်ရရှိအောင် လုပ်ပေးနေတာက ချဲလ်ဆီး အသင်းပိုင်ရှင်တွေအတွက် ကြိုက်နှစ်သက်စရာဖြစ်တာပေါ့ ။

ချဲလ်ဆီး အသင်းပိုင်ရှင်တွေက အရည်အသွေးမြင့် လူငယ်ကစားသမားပေါင်းများစွာကို ခေါ်ယူထားခဲ့ပြီး အငှားစေလွှတ်ကာ ရောင်းချလို့ အမြတ်ရရင် အမြဲလိုလို ရောင်းချပြီး ကစားသမားလဲတဲ့ ပုံစံတွေလုပ်ရတာလည်း သိပ်ကိုကြိုက်နှစ်သက်တဲ့လူတွေပဲဖြစ်ပါတယ် ။ အန်ဇိုမာရက်စကာ က ကစားသမားအားလုံးကို ပွဲချိန်ရအောင် စီမံပေးခဲ့တာကြောင့် တော့ဘိုလေးတို့အနေနဲ့ ဒီအပြောင်းအရွှေ့ကာလမှာ အမြတ်တော်တော်လေးပေါ်ခဲ့တာပဲမလား ။ ဒီနှစ်ရာသီမှာလည်း မနှစ်ရာသီလိုပဲ ကစားသမားတွေကို ၂ ဖွဲ့ခွဲထားခဲ့ပြီး အရေးကြီးတဲ့ ပွဲစဥ်တွေမှာဆိုရင် အဓိကကစားသမား ၁၁ ယောက်သာ ပွဲထွက်ခွင့်ရရှိခဲ့ပြီး အသင်းသေးတွေနဲ့ တွေ့တဲ့ အချိန်နဲ့ ပြည်တွင်းဖလား အချို့ပွဲစဥ် တွေမှာသာ အရန်ကစားသမား ၁၁ ယောက်ကို သုံးလေ့ရှိတယ် ။ ဒီလို လုပ်တာက ကောင်းကျိုးလည်းရှိသလို ၊ ဆိုးကျိုးလည်း အများကြီးရှိတယ် ။

ကစားသမားတိုင်းက ပွဲကစားချိန်ရရှိတာကြောင့် ခြေစွမ်းတဖြည်းဖြည်းပြသလာနိုင်တာမှန်ပေမယ့် တစ်ခါတစ်လေ ကြရင် အသင်းက ဟန်ချက်လုံးဝမညီတော့ပဲ ကောင်းမွန်တဲ့ ခြေစွမ်းကို တသက်မက်ထဲမပြသနိုင်တဲ့ အခြေအနေတွေကိုလည်း ရောက်ရှိသွားနိုင်တယ် ။ ဒါပေမယ့် အန်ဇိုမာရက်စကာ က သူ့ရဲ့ ပုံစံအတိုင်း ဒီလို ကစားသမား ၂ ဖွဲ့ခွဲကစားတဲ့ ပုံစံကို ဆက်လက်ကျင့်သုံးနေပြီး ဒီ ဆိုးကျိုးတွေကြောင့် အမှတ်ဆုံးရှုံးခဲ့ရတဲ့ ပွဲစဥ်တွေလည်းရှိလာခဲ့ပါတယ် ။ ဒါပေမယ့် တော့ဘိုလေးတို့အနေနဲ့ အန်ဇိုမာရက်စကာ ရဲ့ အခုလိုလုပ်ရက်အပေါ်ကို သူတို့ရဲ့ အကျိုးအမြတ်ကြောင့် ဆက်လက်ထောက်ခံနေတာပဲဖြစ်ပါတယ် ။ အဆုံးထိ ဖတ်ပေးကြတဲ့ လူတိုင်းကို ကျေးဇူးတင်ပါတယ်။

#mmmedia

#chelsea

#enzomaresca

#coach

#premierleague

#blueco