မန်ချက်စတာယူနိုက်တက် အသင်းရဲ့ လူငယ်ကွင်းလယ်ကစားသမား ကိုဘီ မိုင်နူး က အသင်းမှာ ပွဲကစားချိန်လုံလုံလောက်လောက် မရရှိတာကြောင့် အပြောင်းအရွှေ့ကာလမပိတ်သိမ်းမှီမှာ အငှားထွက်ကစားဖို့အတွက် အသင်းအပေါ်ကို တောင်းဆိုခဲ့ပါတယ် ။ ဒါပေမယ့် မန်ချက်စတာယူနိုက်တက် အသင်းအနေနဲ့ကလည်း ကိုဘီ မိုင်နူး ပါဝင်နေတာတောင် အားနည်းနေတဲ့ ကွင်းလယ်အစုအဖွဲ့ကို နောက်ထပ် ကွင်းလယ်ကစားသမားတွေ မခေါ်ယူနိုင်သေးပဲ ကိုဘီ မိုင်နူးကို ဘယ်လိုမှ လက်လွှတ်ခံလို့မရပါဘူး ။ ဒီကိစ္စကို နည်းပြ အာမိုရင် အနေနဲ့လည်း ကောင်းကောင်းကြီး နားလည်သဘောပေါက်တာကြောင့် ကိုဘီ မိုင်နူး ကို အသင်းကလိုအပ်ကြောင်း အကြိမ်ကြိမ် ပြောကြားခဲ့တာပဲဖြစ်ပါတယ်။

နောက်ဆုံး အပြောင်းအရွှေ့ကာလပိတ်သိမ်းသွားတဲ့ အချိန်မှာလည်း ကိုဘီ မိုင်နူး အနေနဲ့ အငှားထွက်မကစားတော့ပဲ မန်ချက်စတာယူနိုက်တက် အသင်းမှာပဲ ပွဲထွက်ခွင့်တစ်နေရာ ရဖို့အတွက် တိုက်ပွဲဝင်ဖို့သာ ဆုံးဖြတ်ခဲ့တယ် ။ အခုချိန်ထိလည်း ကိုဘီ မိုင်နူး အနေနဲ့ အသင်းမှာ လုံလောက်တဲ့ ပွဲကစားချိန်ကို မရရှိသေးပါဘူး ။ နည်းပြ အာမိုရင် အနေနဲ့ ဘရူနိုဖာနန်ဒက် ကို အနောက်ဆင်းဆော့ခိုင်းပြီး ကိုဘီ မိုင်နူး ကို ဘရူနို ဖာနန်ဒက်ရဲ့ အရန်သဘောနဲ့သာ အသုံးပြုနေတာပဲဖြစ်ပါတယ် ။ ဘရူနို ဖာနန်ဒက် ဆိုတာကလည်း မန်ချက်စတာယူနိုက်တက် အသင်းရဲ့ မရှိမဖြစ် ကစားသမားတစ်ဦးဖြစ်ပြီး ဘရူနိုကို ဘယ်ပွဲမဆို LINE UP က ထုပ်ပစ်လိုက်လို့မရတာကြောင့် ကိုဘီ မိုင်နူး အနေနဲ့အချို့ပွဲစဥ်တွေမှသာ ပွဲကစားချိန် မိနစ် အနည်းငယ်ရရှိတယ် ။ ကိုဘီ မိုင်နူး က ဘယ်လောက် ကောင်းတဲ့ လူငယ်ကစားသမားတစ်ယောက်ဆိုတာ အရှေ့ကဘောလုံးရာသီတွေမှာ ကောင်းကောင်းကြီး မြင်တွေ့ပြီးသားပါ ။ အာမိုရင် ရဲ့ ခေါင်းမာလွန်တဲ့ ပြဿနာကြောင့် မန်ချက်စတာယူနိုက်တက် အသင်းရဲ့ ကစားသမားတွေအနေနဲ့ ပွဲကစားချိန်ရရှိဖို့က ထင်ထားတာထက် ပိုမိုပြိုင်ဆိုင်နေရတာပဲဖြစ်ပါတယ်။

အာမိုရင် အနေနဲ့ သူ စတင်အောင်မြင်လာတဲ့ နည်းစနစ်လည်းဖြစ် ၊ သူ့ရဲ့ အကြိုက်နှစ်သက်ဆုံး ကစားကွက်လည်းဖြစ်တဲ့ ၃-၄-၂-၁ ကစားကွက် က ပရီးမီးယားလိဂ် လို လိဂ်မျိုးမှာ ဒိုဂူ ၊ ဒါလော့ တို့လို Wing Back ကစားသမားတွေနဲ့ အဆင်မပြေနိုင်တာသိသိကြီး နဲ့ ဒီလို ခေါင်းမာနေတာကြောင့် အသင်းက ရလဒ်ပိုင်းဆိုးဝါးနေသလို အရန် ကစားသမားတွေအနေနဲ့လည်း ပွဲကစားချိန် ရရှိဖို့ရုန်းကန်နေရတယ်။ အခုချိန်မှာတော့ ကိုဘီ မိုင်နူး က မန်ချက်စတာယူနိုက်ကတ်အသင်းမှာ ပွဲထွက်ခွင့် ရရှိဖို့အတွက် လေ့ကျင်းမှုတွေကို အပြင်းအထန်ပြုလုပ်နေတာပဲဖြစ်ပါတယ် ။ အာမိုရင် အနေနဲ့ ကိုဘီ မိုင်နူး ရဲ့ ခြေစွမ်းနဲ့ ထိုက်တန်တဲ့ ပွဲကစားချိန်တွေပေးသွားမလားဆိုတာကတော့ ဆက်လက်စောင့်ကြည့်ရဦးမှာပဲဖြစ်ပါတယ် ။ အဆုံးထိဝင်ရောက်ဖတ်ရှုပေးခဲ့ကြတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီး တင်ရှိပါတယ် ။

#mmmedia

#manchesterunited

#kobbiemainoo

#midfielder

#rubenamorim

#premierleague