ဇာဗီ အလွန်ဆို အနေနဲ့ သူက နည်းပြတစ်ယောက်မှာ ရှိသင့်ရှိထိုက်တဲ့ အရည်အချင်းတွေနဲ့ ပြည့်ဝတယ်ဆိုတာကို လီဘာကူဆင် အသင်းနဲ့အတူ ကောင်းကောင်းကြီး သက်သေပြပြီးသားဖြစ်ပါတယ် ။ ဘိုင်ယန်မြူးနစ် အသင်းပဲ ကြီးစိုးနေတဲ့ ဘွန်ဒက်လီဂါ ကို တစ်ရာသီလုံး ရှုံးပွဲမရှိတဲ့ စံချိန်နဲ့ အရသိမ်းပိုက်ပြခဲ့သလို ဘိုင်ယန်မြူးနစ် အသင်းကိုလည်း အကြိမ်ကြိမ် အလဲထိုးပြခဲ့တယ် ။ သူ့ရဲ့ ပြည့်ဝတဲ့ အရည်အချင်းတွေကြောင့်ပဲ သူ့ရဲ့ အသင်းဟောင်း ရီးရဲလ်မက်ဒရစ် အသင်းက အန်ဆယ်လော့တီ အသင်းကထွက်ခွာမယ်ဆိုကတည်းက ဇာဗီ အလွန်ဆိုကို အရခေါ်ယူထားခဲ့တာပဲဖြစ်ပါတယ် ။ ရီးရဲလ်မက်ဒရစ် အသင်းအနေနဲ့ မနှစ်ကရာသီ ဆုဖလားလက်မဲ့ ရာသီတစ်ခုကို ဖြတ်သန်းခဲ့ရသလို အဓိက ပြိုင်ဘက် ဘာစီလိုနာ အသင်းကိုလည်း တွေ့တိုင်းအရှုံးပေးခဲ့ရတာကြောင့် ဒီရာသီမှာပြောင်းလဲပြင်ဆင်မှုပေါင်းများစွာကို ပြုလုပ်ခဲ့တယ် ။ အလွန်ဆို စိတ်ကြိုက်ကစားသမားကောင်းပေါင်းများစွာကို ဝယ်ယူအားဖြည့်ပေးခဲ့တယ် ။

အလွန်ဆို အနေနဲ့လည်း နိုင်သင့်နိုင်ထိုက်တဲ့ ပွဲစဥ်တိုင်းကို နိုင်အောင်ကစားနိုင်ခဲ့သလို သူ့ရဲ့ ကစားပုံ ၊ ကစားကွက် သူသွားချင်နေတဲ့ system ကိုလည်း အမြဲလိုလို စမ်းပြီး update လုပ်တယ် ။ ဒီရာသီ ဘာစီလိုနာ အသင်းနဲ့ ပထမဆုံး ပြန်လည်တွေ့ဆုံတဲ့ ပွဲစဥ်မှာ ဖိဖိစီးစီး ကစားပြီး အနိုင်ရရှိခဲ့တယ် ။ အဲ့နောက်ပိုင်မှာ အလွန်ဆို အနေနဲ့ သူတစ်ကြိမ်အရှုံးပေးခဲ့ရတဲ့ အန်ဖီး မှာ ချန်ပီယံလိဂ် ပွဲစဥ်အဖြစ် လီပါပူး အသင်းနဲ့ ရင်ဆိုင်ခဲ့ရတယ် ။ အန်ဖီး ဆိုတဲ့ ကွင်းက ဘယ်လောက်တောင် ကစားရခက်ခဲလည်းဆိုတာ ပြောပြနေစရာတောင်မလိုပါဘူး ။ အန်ဖီး ဆိုတာ အနိုင်ရရှိဖို့တာ အရမ်းကိုခက်ခဲတဲ့ ကွင်းတစ်ကွင်းပဲဖြစ်ပါတယ် ။ ဇာဗီ အလွန်ဆို အနေနဲ့လည်း မနှစ်ကဘောလုံးရာသီ လီဘာကူဆင် အသင်းကို ကိုင်တွယ်စဥ်အချိန်တုန်းက အန်ဖီးမှာ တစ်ကြိမ် အရေးနိမ့်ထားဖူးခဲ့တယ် ။ ဒီတစ်ကြိမ်မှာလည်း ပိုမို အင်အားကောင်းတဲ့အသင်း ၊ ပိုပြီး ကစားသမားစုဖွဲ့မှုကောင်းတဲ့ အသင်းတစ်သင်းနဲ့ ရင်ဆိုင်ခဲ့ရပေမယ့် အနိုင်ရရှိအောင်မစွမ်းဆောင်နိုင်ခဲ့ပါဘူး ။

လီပါပူး အသင်းအနေနဲ့ ဒီနောက်ပိုင်း ရုန်းကန်နေရပေမယ့် ရီးရဲလ်အသင်းနဲ့ ပွဲစဥ်မှာတော့ ဖိဖိစီးစီ နဲ့ကို ကစားပြီးအနိုင်ယူခဲ့တာပဲဖြစ်ပါတယ် ။ ဒီပွဲစဥ်က ဇာဗီ အလွန်ဆို ရဲ့ နည်းပြ ဘဝ ဒုတိယ အကြိမ်မြောက် အန်ဖီးကွင်းမှာ ရှုံးနိမ့်တဲ့ ပွဲစဥ် တစ်ပွဲပဲဖြစ်ပါတယ် ။ ချန်ပီယံလိဂ် ရှုံးထွက် အဆင့်ပွဲစဥ်တွေမှာလည်း ဇာဗီ အလွန်ဆိုအနေနဲ့ လီပါပူး အသင်းနဲ့ တွေ့ဆုံနိုင်သေးတာကြောင့် နောက်တစ်ကြိမ်တွေ့ဆုံခဲ့ရင် အနိုင်ယူနိုင်မလားဆိုတာစောင့်ကြည့်ရအုံးမှာပဲဖြစ်ပါတယ် ။အဆုံးထိဝင်ရောက်ဖတ်ရှုပေးခဲ့ကြတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီးတင်ရှိပါတယ်။

#mmmedia

#realmadrid

#xabialonso

#coach

#laliga