စပါး အသင်းက မနှစ်ကဘောလုံးရာသီတုန်းက ပိုစေလို ဂလူးရဲ့ လက်ထပ်မှာ အခြေအနေတွေ တော်တော်လေး ဆိုးဆိုးဝါးဝါးဖြစ်ခဲ့ပေမယ့် အသင်းရဲ့ ဆုဖလား ဝေးကွာနေမှုကိုတော့ ယူရိုပါလိဂ် ဖလားတစ်လုံးနဲ့ အဆုံးသတ်ပေးခဲ့တယ် ။ ဒါပေမယ့် စပါးအသင်း တာဝန်ရှိသူတွေကတော့ ပိုစေလို ဂလူးကို နည်းပြရာထူးကနေထုပ်ပယ်ခဲ့ပြီး ဘရန်ဖို့စ် အသင်းနဲ့ အတူ ပုံစံကောင်းတွေကို နှစ်တိုင်းလိုလိုပြသနိုင်ခဲ့တဲ့ နည်းပြကြီး သောမက် ဖရန့်စ် ကို ခန့်အပ်ခဲ့တယ် ။ အသင်းအတွက်လည်း ထူးထူးခြားခြား အရည်အသွေးမြင့်ကစားသမားတွေကို ငွေပုံပေးကာ ခေါ်ယူပေးခဲ့ပြီး သောမက် ဖရန့် ကို ယုံကြည်မှု အပြည့်အဝပေးခဲ့တယ် ။ စပါး အသင်းရဲ့ ထူးထူးခြားခြား ဖြည့်တင်းမှုတွေအပြင် ၊ နည်းပြရာထူးအတွက်လည်း သောမက်ဖရန့်လို အရည်အချင်းရှိတဲ့ နည်းပြကို ခန့်အပ်လိုက်တာကြောင့် တော်တင်ဟမ် စပါး အသင်းကလည်း ရာသီမစခင် စောင့်ကြည့်ချင်စရာအကောင်းဆုံး အသင်းတွေထဲက တစ်သင်းဖြစ်ခဲ့တယ် ။

ပရီးမီးယားလိဂ် ရာသီစစချင်းပွဲစဥ်တွေမှာလည်း သောမက်ဖရန့်စ် ရဲ့ အသင်းက ကောင်းကောင်းကြီး လုပ်ပြခဲ့တာကြောင့် စပါး အသင်းအနေနဲ့ မနှစ်ကဘောလုံးရာသီတုန်းကလို ဆိုးဝါးတဲ့ အခြေအနေတွေ မရင်ဆိုင်ရတော့ဘူး ထင်ထာခဲ့ကြတယ် ။ ဒါပေမယ့် စပါး အသင်း ရဲ့ လက်ရှိအခြေအနေတွေက မနှစ်က ရာသီထက် ကို ပိုမိုဆိုးဝါးနေတာပဲဖြစ်ပါတယ် ။ လက်ရှိ ပွဲစဥ် 23 ပွဲကစားပြီးတဲ့ အချိန် အဆင့် 14 နေရာမှာ ရပ်တည်နေပြီး မနှစ်ကဘောလုံးရာသီတုန်းကလိုပဲ တန်းဆင်းဇုန် နဲ့ တော်တော်လေးကို နီးကပ်နေတာပဲဖြစ်ပါတယ်။ တော်တင်ဟမ် စပါး အနေနဲ့ နောက်ဆုံး ပရီးမီးယားလိဂ် 5 ပွဲ နိုင်ပွဲပျောက်နေခဲ့သလို 3 ပွဲ သရေ ၊ 2 ပွဲရှုံးဆိုတဲ့ ရလဒ်ဆိုးတစ်ခုကို ပိုင်ဆိုင်ထားတာပဲဖြစ်ပါတယ် ။ စပါး အသင်းတာဝန်ရှိသူတွေ အနေနဲ့ နွေရာသီ အပြောင်းအရွှေ့တုန်းကရော လက်ရှိ ဆောင်းရာသီ အပြောင်းအရွှေ့ကာလ နှစ်ခုစလုံးမှာ သောမက်ဖရန့် အတွက် လိုတာထက် ပိုတဲ့ ကစားသမား ခေါ်ယူအားဖြည့်မှုတွေကို ပြုလုပ်ပေးခဲ့ပေမယ့် သောမက်ဖရန့် အနေနဲ့ကတော့ စပါး အသင်းကို တည်ငြိမ်တဲ့ ပုံစံကောင်းတစ်ခုကို ပြသဖို့ ခက်ခဲနေသေးတာပဲဖြစ်ပါတယ် ။

ဒီလိုပုံစံ အတိုင်းပဲ ဆက်သွားနေမယ်ဆိုရင် သောမက်ဖရန့်စ် အနေနဲ့လည်း ရာသီမကုန်ခင် အသင်းကနေ ထုပ်ပယ်တာမျိုးကို ခံရနိုင်ပါတယ် ။ အခု ရင်ဆိုင်နေရတဲ့ ဆိုးဆိုးဝါးဝါး ပြဿနာတွေကြားကနေ သောမက် ဖရန့်စ် တစ်ယောက် ဘယ်လိုရုန်းထွက်သွားမလဲဆိုတာကတော့ အဆုံးထိစောင့်ကြည့်ရဦးမှာပဲဖြစ်ပါတယ်။ ပရိတ်သတ်တွေရောဘယ်လိုထင်လဲ ။ ဒီပြဿနာ တွေကို သောမက်ဖရန့် ကျော်ဖြတ်သွားနိုင်မယ်ထင်လား ။ ပရိတ်သတ်တွေရဲ့ အမြင်ကို ကောမန့်မှာဝင်ရောက်ဆွေးနွေးပေးသွားကြပါဦး။ အဆုံးထိဝင်‌ရောက်ဖတ်ရှုပေးခဲ့ကြတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီးတင်ရှိပါတယ်။

#mmmedia

#thomasfrank

#tottenhamhotspur

#coach

#premierleague

#football